13
сентябрь
2021
Тіл мерекесі
Биылғы жыл айтулы даталарға толы. Оқу жылы ә дегеннен алаш зиялысы Ахмет Байтұрсынұлының 150 жылдық мерейтойынан басталды. 11 қыркүйек күні мектебіміздің «Парасат», «Бірлік», «Полиглот» пән бірлестіктерінің жауапкершілігімен Тілдер мерекесі ZOOM қосымшасы арқылы қашықтан өтті. Ұзын саны 70-ке жуық ұстаздар мен білім алушыларды бір экранға тоғыстыра білген Тіл мерекесінің өзгеше форматта өтілуіне биыл тура екінші жыл. Іс-шараның мақсаты: балалардың тіл туралы танымдық деңгейін көтеру, Алаштың ардақты ұлы Ахмет Байтұрсынұлы туралы білімдерін кеңейту, бірнеше тіл білуге, үйренуге деген қызығушылықтарын арттыру, шығармашылыққа баулу. Озық ойлы оқушы болуға тәрбиелеу. Мереке үш тілде өтті. Балалардың ішінде қазақ, орыс, ағылшын, тіпті француз тілінде өлеңдер мен монолог жаттаған оқушылар болды. Қашықтан өткізілетін іс-шараларға білім алушылардың біраз төселіп қалғандығын аңғартады. Тіл мерекесі әуезді әнмен аяқталды.