Қайырымдылық акциясы

18-Наурыз "Игі істер күні" Көрегенділігі мен тектілігі қатар жарасқан дана халқымыз "Жақсының жақсылығын айт, нұры тасысын" дейді. Мектебіміздің әлеуметтік жағынан қорғалатын оқушыларына әрдайым қол ұшын созып, көмегін аямайтын азаматтар мен азаматшаларымыз баршылық. Олардың ішінде үлкен кәсіп иелерінен бастап, қарапайым мұғалім, мемлекеттік қызметкерлер, тіпті жоғары сыныптың оқушылары да бар. Ұлыстың ұлы күніне орай осындай жомарт жандар тағы да игі іс жасап мектеп оқушыларын көктемгі киіммен қамтамасыз етті. Мұндай игі істің басында ұйымдастырушы болып, "Жақсылықтың жан шуағы" екенін жан жүрегімен сезініп, өз міндетін адалынан атқарып мектептің әлеуметтік педагогы Алмабекқызы Ботагөз жүреді.