Хаттама   №1 

Күні 29.08. 2023 ж.

қатысқандар:  89

қатыспағаны:  5 –себепті 

Күн   тәртібінде: 

1. Іс-әрекеттегі тәжірибені зерттеу-  мұғалімнің зерттеу қабілетін арттырудың тиімді құралы 

                             ( тарих пәні мұғалімі  Н.Матаева   )

1. Әдістемелік нұсқау  хат ерекшеліктеріне тоқталу 

                        ( директордың әдістемелік ісі жөніндегі орынбасары Ж.Абирова   )

1. Жаңа оқу жылының нормативтік құжаттарымен таныстыру

( директордың әдістемелік ісі жөніндегі орынбасары Ж.Абирова   )

1.  Ағымдағы мәселелер.

Тыңдалды: 

        Күн тәртібіндегі бірінші мәселе бойынша тарих пәні мұғалімі Н.Матаева  шебер сынып ұсынды.  Алдымен  әрекеттегі зерттеу теориясына тоқтала отырып,   өзінің  жеке зерттеу   сұрағымен жасаған іс- тәжірибесімен таныстыра отырып,   мұғалімдерге   практикалық  жұмыстарын ұсынды.  

Зерттеу сұрағым: Оқушылардың оқу мақсатына жету деңгейін анықтайтын рефлексия беру дағдыларын дамыту 

Әрекетті зерттеу немесе әрекеттегі зерттеу – өз тәжірибеңе рефлексия жасау. Іс-әрекетті зерттеу бойынша зерттеу тақырыбым: «Оқушылардың оқу мақсатына жету деңгейін анықтайтын рефлексия беру дағдыларын дамыту».

Зерттеудің түрлері:
 1. Дербес зерттеулер (негізінен -жеке, бірақ жұп/топ та болады).
 2. Сабақты зерттеу (Lesson study).
 3. Case study (жеке, жұп/топ), т.б.

Дербес зерттеу бойынша зерттеу сұрағын таңдамас бұрын менің сабақтарымдағы қиындықтар тізбесін жасадым, олар: 

- оқу материалының мазмұнының рефлексиясы;

- оқушылардың өз ойын (идеяны) жүйелі жеткізу дағдысын жетілдіру;

- өзіндікой қорытындысын жасау дағдыларын дамыту;

-жазбаша ой қорта білуді жетілдіру; т.б.

Аталған қиындықтар тізбесінде ортақ шешу жолын іздеу үшін менің алдымда білім алушыларда оқу материалының мазмұнының рефлексиясын дамыту керектігі тұрды. Себебі осы дағдыны дамыта отырып, өзге де қиындықтармен жұмыс жасалатынын байқадым.

Іс-әрекетті зерттеу бойынша зерттеу тақырыбымды, яғни «Оқушылардың оқу мақсатына жету деңгейн анықтайтын рефлексия беру дағдыларын дамыту» тақырыбын таңдаған соң бірден зерттеуге көштім. Алдымен рефлексияның түрлеріне тоқталатын болсам, төмендегідей түрлері бар:

I.Мақсатына қарай:  Эмоционалдық жағдайдың рефлексиясы, іс-әрекет рефлексиясы және оқу материалының мазмұнының рефлексиясы деп бөлінеді.

1.Көңіл-күй және эмоционалдық жағдайдың рефлексиясы. Көңіл-күй мен эмоционалдық жағдайды анықтауға арналған кері байланыс. Сабақтың басында және аяғында адамның көңіл-күйі бейнеленген карточкалар, көңіл-күйді білдіретін түстер т.б. қолдануға болады.

2.Іс-әрекет рефлексиясы. Жеке жазба жұмыс рефлексиясы. Оны үй тапсырмасын сұрау кезінде қолдану тиімді. Сабақтың аяқталған кезеңінде іс-әрекеттік рефлексия тәсілі арқылы сабақ барысында әр оқушының белсенділігін бағалау мүмкіншілігін береді. Оқушыны өз бетімен сараптауға, талдау жасай білуге үйретеді және қызығушылық негізінде шығармашылық бағытының тұрақталуына, кемшіліктерді жоюға, жауапкершілікпен қарауға бейімдейді.

Н.Матаева зерттеу барысы, зерттеу сұрағы, зерттеу кезеңдері, зерттеу құралдары,  деректер жинау, талдау,  свот   кестесін  таныстырды. 

Ұсынылған жаттығулар:
     Өзіңізді толғандыратын проблема (қиындық, кемшілік) бойынша зерттеу тақырыбын құрастырыңыз.
     Тақырыпты «проблема және оны шешу құралдары» сызбасы бойынша құрастырыңыз.

2-4 зерттеу (ақпарат жинау) тәсілдерін таңдаңыздар. Мұғалімдер жұмыс жасай отырып,  жеке зерттеу бойынша білімдерін жетілдірді. 

Қаулы:  1. Н.Матаеваның  әрекеттегі   зерттеу  бойынша  ұсынған шебер сыныбы мұғалімдер назарына алынып,  әр мұғалім жеке зерттеу жұмыстарын жандандырсын. 

           Екінші мәселе бойынша Ж.Абирова 2023-2024 оқу жылына арналған әдістемелік нұқсау хат ерекшеліктерімен таныстырды. 

Ерекшеліктері: 

Оқу жылының ұзақтығы 1-сыныптарда – 33 оқу аптасын, 2-11 (12)-сыныптарда – 34 оқу аптасын құрайды. 

² 1-2-сыныптарда «Еңбекке баулу» және «Бейнелеу өнері» пәндері, 3-4-сыныптарда – «Көркем еңбек» кіріктірілген пәні оқытылады. 

² Оқыту қазақ тілінде жүргізілетін мектептердің 1-сыныбында «Әліппе», «Ана тілі» пәндері оқытылады, 2-сыныбында «Орыс тілі» пәнін оқыту басталады. 

² Жоғары сыныптарда ағылшын тілінен оқу жүктемесі 1 сағатқа артады. 

² Негізгі орта (5-8-сыныптар), жалпы орта (10-сынып) білім беру деңгейлерінде академиялық жылды аяқтаған соң қазақ тілінен емтихан тапсыру енгізіледі. 

² Экологиялық білім беру сапасын арттыру: экологиялық проблемаларды шешуде білім алушылардың практикалық дағдыларын дамытуға арналған зертханалық, зерттеу, жобалық жұмыстарды ұйымдастыру. 

² Үлгерімі төмен білім алушылармен жұмысты күшейту. 

² Білім беру ұйымдарында тұтас тәрбие бағдарламасын енгізу. 

² Домбыра тарту бойынша факультативтік курстар өткізу, мектептердегі шахмат секцияларының желісін кеңейту. 

² Мерейтойлар мен атаулы күндерге арналған сыныптан тыс іс-шараларды ұйымдастыру. 

² Мектептердің ата-аналар қауымдастығымен өзара іс-қимылын нығайту, «Ата-аналарды педагогикалық қолдау» орталығын құру. 

² Педагогтерге арналған «Цифрлық кітапхана» жобасын жүзеге асыру. 

² «Үздіктен үйрен» жобасын іске асыру: «Үздік педагог» байқауы жеңімпаздарының озық педагогикалық тәжірибесін дәріптеу 

² «Білім беруді өзгертудегі 1000 көшбасшы» республикалық кадрлық резервтің деректер қорын жасау. 

Әдістемелік нұсқау хатта педагогикалық тәсілдер мен STEM/ЅТЕАМ тәсілдерін қолдану, функционалдық сауаттылық, үлгілік оқу бағдарламаларының мазмұны білім алушылардың функционалдық сауаттылығын дамытуға, негізгі және пәндік құзыреттерді қалыптастыруға бағытталғанын атап   өтті. 

Қаулы:  2. Әдістемелік нұсқау хатты басшылыққа алу барлық педагогтерге міндеттелінсін. 

           Үшінші мәселе бойынша Ж.Абирова  педагогтердің  басшылыққа алатын нормативтік –құқықтық құжаттармен таныстырды. 

«Жалпы білім беру ұйымдарына арналған жалпы білім беретін пәндер, таңдау курстары мен факультативтер бойынша үлгілік оқу бағдарламаларын бекіту туралы» 

ҚР Оқу-ағарту министрінің 16.09.2022ж. №399 бұйрығы 21.11.2022 ж. № 467, 05.07.2023 ж. № 199 бұйрығымен енгізілген өзгерістерімен , «Мектепке дейінгі тәрбие мен оқытуды, бастауыш, негізгі орта және жалпы орта білімнің жалпы білім беретін оқу бағдарламаларын, техникалық және кәсіптік, орта білімнен кейінгі, қосымша білімнің білім беру бағдарламаларын және арнайы оқу бағдарламаларын іске асыратын білім беру ұйымдарында жұмыс істейтін педагогтерді және білім және ғылым саласындағы басқа да азаматтық қызметшілерді аттестаттаудан өткізу қағидалары мен шарттарын бекіту туралы» (ҚР БҒМ 27.01.2016 ж. №83 бұйрығы, ҚР Оқу-ағарту министрінің 30.12.2022ж. №533 бұйрығымен енгізілген өзгерістерімен, «Педагогтердің біліктілігін арттыру курстарының білім беру бағдарламаларын әзірлеу, келісу және бекіту қағидаларын бекіту туралы» (ҚР БҒМ 4.05.2020 ж. № 175 бұйрығы, ҚР Оқу-ағарту министрінің 27.08.2022 ж. № 384 бұйрығымен енгізілген өзгерістерімен), «Жалпы білім беретін пәндер бойынша республикалық және халықаралық олимпиадалар мен ғылыми жобалар конкурстарының (ғылыми жарыстардың), орындаушылар конкурстарының, кәсіби шеберлік конкурстарының және спорттық жарыстардың тізбесін және оларды іріктеу өлшемшарттарын бекіту туралы» (ҚР БҒМ 7.12.2011 жылғы № 514 бұйрығы, жаңа редакцияда - ҚР Оқу-ағарту министрінің м.а. 17.08.2022 ж. № 371 бұйрығы),  «Ерекше білім беру қажеттіліктерін бағалау қағидаларын бекіту туралы» (ҚР БҒМ 12.01.2022 ж. №4 бұйрығы) , т.б.  құжаттардың әдістемелік нұсқау хатта арнайы сілтемемен ұсынылғанын ескертті.   

Педагогтер күнтізбелік-тақырыптық жоспар,  қысқа мерзімді сабақ жоспарын жасауда «Мектепке дейінгі тәрбие және оқыту, орта, арнаулы, қосымша, техникалық және кәсіптік, орта білімнен кейінгі білім беру ұйымдарының педагогтері жүргізу үшін міндетті құжаттардың тізбесін және олардың нысандарын бекіту туралы» (ҚР БҒМ 6.04.2020 ж. № 130 бұйрығы, ҚР Оқу-ағарту министрінің 17.03.2023 ж. №68 бұйрығымен енгізілген өзгерістерімен)  бұйрығын басшылыққа  алатынын нақты айтып өтті. 

Қаулы:  3. Әдістемелік нұсқау хатта ұсынылған нормативтік –құқықтық актілерді басшылыққа алу барлық педагогтердің міндеті болып табылсын. 

 Әдістемелік кеңес төрағасы                    Ж.Абирова 

Хатшы                                                         І. Беренбаева 

Ұйғыр ауданының  білім бөлімінің «Ж.Құдайбергенов атындағы орта   мектебі мектеп  жанындағы интернатымен » коммуналдық мемлекеттік мекемесінде Zoom  бағдарламасы арқылы   педагог   қызметкерлермен  өткізілген   онлайн кезектен тыс әдістемелік кеңестің  

№ 2 хаттамасы 

Күні :  04. 10. 2021 ж.

қатысқандар:  95

қатыспағаны:  6

себепті - 6

Күн   тәртібінде:

Орта, техникалық және кәсіптік, орта білімнен кейінгі білім беру ұйымдарының педагогтері жүргізу үшін міндетті құжаттардың тізбесін және олардың нысандарын бекіту туралы

Қазақстан Республикасы Білім және ғылым министрінің 2021  жылғы 16 қыркүйектегі  № 472 бұйрығы.  

 (хабарламашы әдістемелік ісі жөніндегі орынбасары  Ж.Абироваф )

Тыңдалды: 

        Күн тәртібіндегі мәселе бойынша  әдістемелік ісі жөнінідегі  орынбасары   Ж.Абирова «Орта, техникалық және кәсіптік, орта білімнен кейінгі білім беру ұйымдарының педагогтері жүргізу үшін міндетті құжаттардың тізбесін және олардың нысандарын бекіту туралы» Қазақстан Республикасы Білім және ғылым министрінің 2021  жылғы 16 қыркүйектегі  № 472 бұйрығымен     таныстырып өтті. 

Орта білім беру ұйымдарының педагогтері жүргізу үшін міндетті құжаттардың тізбесі (Қазақстан РеспубликасыБілім және ғылым министрінің2020 жылғы 6 сәуірдегі№ 130 бұйрығына 1-қосымша)

Орта білім беру ұйымдарының педагогтері жүргізу үшін міндетті құжаттардың нысандары (Қазақстан РеспубликасыБілім және ғылым министрінің2020 жылғы 6 сәуірдегі№ 130 бұйрығына 2-қосымша)

Қысқа мерзімді (сабақ) жоспары

Қазақстан Республикасының Білім және ғылым министрлігі
 1-4-сыныптарға, 5-11 сыныптарға  арналған сынып журналы

"Өзін-өзі тану" пәні бойынша қысқа мерзімді (сабақ) жоспар(ы)

Тәлімгерлік жоспары ___________ оқу жылы

Пәндер бойынша орта мерзімді (күнтізбелік-тақырыптық)
 жоспар ____________пәні___________сыныбы

Автоматтандырылған ақпараттық жүйеден автоматты түрде жасалатын түсініктемелері бар бөлім бойынша жиынтық бағалау мен тоқсандық жиынтық бағалау нәтижелері бойынша талдау (ақпараттық жүйе болмаған жағдайда, қағаз түрінде)

Сынып жетекшісінің жұмыс жоспары

Қазақстан Республикасының Білім және ғылым министрлігі  1-4 сынып білім алушысының үлгерім  табелі
 Қазақстан Республикасының Білім және ғылым министрлігі 5-11 (12) сынып білім алушысының үлгерім табелі 

Әлеуметтік педогогтің оқу жылына арналған жұмыс жоспары

Тәрбие жұмысы жоспары (Орта, техниқалық және кәсіптік білім, орта білімнен кейінгі білім беру ұйымдарына арналған)
 Психологиялық қызметтің топтық және жеке жұмысын есепке алу журналы

  Мектептің даму бағдарламасы (5 жылға арналып жасалады)Бағдарлама паспорты

   Педагогтердің оқу жүктемесі (тарифтеу) туралы мәліметтер

Мектепішілік бақылау жоспары

Қазақстан Республикасының Білім және ғылым министрлігі Педагогтердің жеке құрамын есепке алу кітабы

Қазақстан Республикасының Білім және ғылым министрлігі Ауыстырылған сабақтарды есепке алу журналы

Қазақстан Республикасының Білім және ғылым министрлігі Білім алушыларды жазатын алфавиттік кітап

Қазақстан Республикасының Білім және ғылым министрлігі Кеткен және келген білім алушыларды есепке алу кітабы

Қазақстан Республикасының Білім және ғылым министрлігі Бұйрықтарды тіркеу кітабы

Қазақстан Республикасының Білім және ғылым министрлігі Жалпы орта білім туралы аттестатты есепке алу және беру кітабы
 Қазақстан Республикасының Білім және ғылым министрлігі Білім алушылардың үлгерім табельдерін есепке алу кітабы

Қазақстан Республикасының Білім және ғылым министрлігі Мақтау қағаздарын және мақтау грамоталарын беруді есепке алу кітабы. 

            Директордың оқу – әдістемелік ісі жөніндегі орынбасары  Ж.Абирова  педагогтер мен мектеп әкімшілігі жүргізетін міндетті құжаттар тізбесімен таныстыра отырып,    қалай жүргізу керектігін түсіндірді.   

Пән мұғалімдерінің жүргізетін  күнтізбелік тақырыптық жоспар,  қысқа мерзімді жоспар,  жиынтық бағалау жұмыстарының  талдау жүргізу   тікелей   бұйрықта берілген  міндетті  элементтерді   қамтуы керектігі айтылды. 

Аталған бұйрықтағы  нұсқаулықты  Zoom бағдарламасы арқылы  слайдтармен   таныстырып,  туындаған сұрақтарға жауап берілді. 

Мұғалімдердің  міндетті құжаттар жүргізу барысында  өзгерістер   назарда болу керектігі баса айтылды. 

Қаулы: 

Директордың  оқу-әдістемелік  ісі жөніндегі Ж. Абированың «Орта, техникалық және кәсіптік, орта білімнен кейінгі білім беру ұйымдарының педагогтері жүргізу үшін міндетті құжаттардың тізбесін және олардың нысандарын бекіту» туралы Қазақстан Республикасы Білім және ғылым министрінің 2021  жылғы 16 қыркүйектегі  № 472 бұйрығы     хабарлама  ұжым мүшелерінің  назарына алынып, бұйрықты басшылыққа ала отырып,  міндетті құжаттар тізбесімен  жұмыс жүргізу   әр пән мұғалімінің    міндеті болып табылсын. 

Кеңес төрағасы               Ж.Абирова

Хатшы                          А.Асильбаева

 хаттамасы  №1 

Күні 27.08. 2021 ж.

қатысқандар:  90

қатыспағаны:  7

Күн   тәртібінде:

 «Білімді ұлт тұрақты дамудың кепілі »  тақырыбында өткізілген дәстүрлі тамыз кеңесі   

І.Кіріспе сөз  -   Абдилова Бибигуль Байжумаевна 

1. Креативті ойлауды дамыту  жолдары - Абирова Жанна Рахымбердиевна  (10 минут )
2. Оқушылардың  функционалдық   сауаттылығын арттырудың тиімді жолдары  Матаева Назерке Сембековна  тарих пәні  мұғалімі. (10 минут)
3. Білім сапасын жақсарту: талдау, қиындықтарды анықтау, түзету жолдары -  Баратова Шадиям Абликимовна ағылшын тілі пәні мұғалімі (10 минут)
4. Әдістемелік нұсқау хат ерекшеліктеріне тоқталу - Абирова Жанна Рахымбердиевна (5  минут )

Тыңдалды: 

        Әдістемелік ісі жөніндегі  орынбасары   Ж.Абирова   дәстүрлі тамыз кеңесімен , жаңа оқу жылының басталуымен құттықтап,         күн тәртібімен   таныстырып өтті.  Тамыз кеңесінің мақсаты мен міндеттерін  хабарлады. 

Мақсаты: Оқушылардың функционалдық сауаттылығын қалыптастыру,   тәжірибелі мұғалімдердің озық  тәжірибесімен бөлісу, мұғалімдердің пәндік құзіреттіліктерін арттыру.

Міндеттері: 

• Білім алушылардың  оқуға белсенділігін арттырудың тиімді тәсілдерімен бөлісу. 
• Білім   алушылардың  оқыту мақсатына жетуде қиындықтарды анықтау. 
• Жаңартылған білім беру жағдайында оқыту үрдісіндегі инновациялық жұмыстарда кездескен кедергілерді тиімді шешу жолдарын қарастыру. 
• Мақсаттар мен міндеттерді  жүзеге   асырудағы  жұмыс бағытын айқындау. 
• Білім мазмұнын жаңарту контекстінде пән мұғалімдерінің кәсіби құзыреттілігін арттыру, тілдік дағдыларды дамыту әдіснамасы бойынша әдістемелік сүйемелдеу көрсету; 

Күтілетін нәтиже: 

•  Өткен оқу жылына талдау жасалады, 2021-2022   оқу жылында білім берудегі кездесетін мәселелерді шешу жолдары айқындалады. 
• Кәсіби құзыреттіліктері  артады,   жұмыс бағыты айқындалады. 

Бұдан әрі Ж.Абирова  «Креативті ойлауды дамыту  жолдары»  тақырыбындағы презентациясын  ұсынып, «Креативтілік» – тез ойлап табу, жаңалық ашу, аяқ астынан ақыл табу, терең сезім, толғаныс, интеллектуалдық биіктік, ұшқыр ойлылық деп анықтама беріледі. Креативтілік — өркендеуге, дамуға, нәтижеге жетуге бағытталған. Креативтік технология бойынша ізденушілік, зерттеушілік, эвристикалық әдістермен жұмыс жасалады, қиялдауға итермелейді, қысылмай өз ойын айтуға мүмкіндік беретінін түсіндірді. 

        Білім алушылардың  креативтілігі, оны дамыту жолдары,  сабақтағы креативті  дамыту    тапсырмалары үлгілерін ұсынды. Мұғалімдерге  шағын креативтілік,  ауқымды креативтілік  сәйкестендіру тапсырмасын орындатып,  мұғалімнің креативті ойлауын дамытатын  жаттығулар ұсынды.

Қаулы: 1. Ж.Абированың білім алушылардың креативті ойлау қабілеттерін дамыту туралы  көрсетілім педагог қызметкерлердің назарына алынсын   және оны    практика жүзінде қолдану  пән мұғалімдеріне  жүктелсін. 

       Тарих пәні мұғалімі Н.Матаева   «Оқушылардың  функционалдық   сауаттылығын арттырудың тиімді жолдары»  тақырыбында көрсетілім ұсынды.  Көрсетілім барысында  функционалдық сауаттылық туралы   ақпарат бере отырып,    білім алушылардың функционалдық сауаттылығын арттыру жолдары,  функционалдық сауаттылыққа арналған тапсырмалар түрлерін   көрсетті.     

Қаулы:  2. «Оқушылардың  функционалдық   сауаттылығын арттырудың тиімді жолдары»  тақырыбында көрсетілім педагог қызметкерлердің назарына алынып,  білім алушылардың функционалдық сауаттылықты арттыру   әр пән мұғалімінің  міндеті болып табылсын.

      Үшінші мәселе бойынша   «Білім сапасын жақсарту: талдау, қиындықтарды анықтау, түзету жолдары»   тақырыбында   ағылшын тілі пәні мұғалімі Баратова Шадиям Абликимовна    білім алушылардың біліміндегі олқылықтардың орнын   толтыру  мақсатында   білім сапасында  жасалатын   талдау,  қиындық келтірген мақсаттармен жұмыс жасау,   мониторингтер,  анықталатын кемшіліктер,  білім алушыларға  берілетін   қайталау тапсырмалары  туралы  көрсетілім   жасады. 

Қаулы: 3.«Білім сапасын жақсарту: талдау, қиындықтарды анықтау, түзету жолдары»  тақырыбында      көрсетілім педагог қызметкерлердің назарына алынсын және    білім алушылардың біліміндегі олқылықтардың алдын алу жұмыстары: талдау, қиындықтарды анықтау, түзету жұмыстарын жүргізу әр пән мұғалімінің міндеті болып табылсын.

Бесінші мәселе  бойынша Ж.Абирова  Әдістемелік нұсқау хат ерекшеліктеріне тоқталды.   

ОҚУ-ТӘРБИЕ ПРОЦЕСІН ҰЙЫМДАСТЫРУДЫҢ 2021-2022 ОҚУ ЖЫЛЫНДАҒЫ ЕРЕКШЕЛІКТ

Білім алушылардың оқу жүктемесін азайту. 

 1-сыныптарға «Әліппе», «Ана тілі», «Букварь», «Обучение грамоте», «Цифрлық сауаттылық» пәндерін енгізу. 

Білім алушылардың білімдеріндегі олқылықтардың орнын толықтыру. 

 Үлгерімі төмен оқушылармен жеке жұмыс жүргізуді жетілдіру. 

 Жазғы мектеп есебінен оқыту мерзімін 20 маусымға дейін ұзарту. 

Міндетті формативті бағалау. 

 Сабақ ұзақтығы – 45 минут. 

 5-сыныптан 11-сыныптар аралығында «Жаһандық құзыреттіліктер» таңдау курсын немесе басқа курстарды енгізу. 

 Мектептердің таңдауы бойынша «Музыка» оқу бағдарламасының шеңберінде оқыту қазақ тілінде жүргізілетін 6-сыныпта домбыра тартуды үйрету. 

 Оқытудың әртүрлі форматтарына (дәстүрлі, аралас, қашықтан) мектептердің дайындығын қамтамасыз ету. 

 Ерекше білім беруді қажет ететін білім алушыларды бағалау. 

  Ерекше білім беруді қажет ететін білім алушыларға оқу бағдарламаларын бейімдеу. 

 Ерекше білім беруді қажет ететін білім алушыларға тиімді психологиялық-педагогикалық қолдау көрсету. 

 Инклюзивті орта мәдениетін қалыптастыру. 

«Оқуға құштар мектеп», «Дебаттар», «Өзін-өзі басқару күні», «Мектеп театры» жобаларын іске асыру. 

 Ұлттық құндылықтар негізінде мектептің мәдени ортасын қалыптастыру (қарым-қатынас, мектеп қоңырауы). 

 Мектеп пен отбасында күнделікті 20 минут кітап оқуды ұйымдастыру. 

 Ерте кәсіптік бағдар беру жұмыстарын жүргізу. 

Білім алушылардың дене дамуының мониторингі. 

 Педагогтерді тарифтеу тәртібі бойынша ұсыныстар. 

 Жан басына шаққандағы қаржыландыру механизмін жетілдіру. 

 Педагогтерді жұмысқа қабылдаудың жаңа ережелерін енгізу. 

 Мектеп пен ата-аналардың өзара байланысын күшейту. 

Сонымен қатар, Ж.Абирова   әдістемелік нұсқау  хатта әр пәннен кейін  ұсынылған білім алушылардың біліміндегі олқылықтардың алдын алу бойынша   ұсынымға баса назар аударып,   жұмыс жоспарын құрғанда басшылыққа алу   керектігін ескертті. 

Қаулы: 

4.2021-2022 оқу   жылында  әр пән мұғаліміне     әдістемелік нұсқау  хатты басшылыққа алу және білім алушылардың біліміндегі олқылықтардың орнын толтырудың жұмыс жоспарының  алгоритмін   назарға ала отырып  жұмыс жүргізу  міндеттелінсін. 

Кеңес төрағасы               Ж.Абирова

Хатшы                          А.Асильбаева